Xornaes de la caza y'l vinu de la tierra de Cangas de Narcea - Sidrería Narcea



Dirección: Cai Dos Amigos, 12 - Cangas del Narcea (Asturias/Asturies)
Teléfono:  985 810 038 - 985 817 031




Recomendaciones:  Caza




Calidad: 3/5
Precio: 20€




Comentarios: El caberu fin de selmana averámonos a Cangas de Narcea por mor de les Xornaes de la Caza y'l Vinu de la Tierra de Cangas. Cuantayá que nun fora perellí y, tras comprobar qu'ensin reserva ye imposible garrar mesa nel Restaurante Blanco (al que-y tengo bona gana) y nel Restaurante La Casa del Río (onde la otra vegada que foi nun salí descontentu), probamos suerte na Sidrería Narcea. 
Típica sidrería asturiana de les que cada vegada queden menos, y más nuna zona non mui sidrera como Cangas.
L'atención foi bona, de confianza, entrugando qué tal taba too ensín agobiar. 
Namás sentamos a la mesa, trayéronmos una migayina de quesu azul, del que nun puedo falar porque los que me conocéis sabéis que nun soi queseru. Pidimos el Menu de les Xornaes de Caza, de primeru coincidimos los dos na Tabla d'embutidos de la tierra, que taben bien, con bona variedá y sabor prestosu. De segundu tomamos Caldereta de Venau regáu con vinu de la tierra de Cangas y Picadiyu de Xabalín. Meyor el venáu, suavín y bien acompangau con ablanes y pataques. El picadiyu nun ye que toviera mal pero picaba abondo y fizo que la botella vinu baxara más rápidu de la cuenta. 
Acompangámoslo too con Vinu de Cangas Obanca. Iba cola idega de tomar blancu que, sigún la mio opinión, tien muncha más salida qu'el tintu. 
Café y flan caseru de postre, que nun había muncho más onde elexir. 



2 comentarios:

Fartones dijo...

Coño! al blanco ties que dir, que se xinta perbien!.

David Castañón dijo...

Tien bona pinta y too'l mundo falome perbien d'él. Asina qu'habrá que tornar a Cangas de visita, y a ver si pa la prósima pillamos dalguna tienduca abierta que cada vegada ye más complicao atopar vinu blanco de Cangas pel centru.