La Corte

Direición: Calle Del Carmen, S/N - Villar de Vildas - Somiedu
Teléfonu: 984 763 131



Recomendaciones: Fabada y Picadiyu


http://www.lacortesomiedo.com/


Calidá: 3/5 
Preciu: 15€


Comentarios: Les Brañes de la Pornacal son unos de los munchos paraísos d'Asturies. Asitiaos nel Parque Natural de Somiedu ye una ruta perfácil de facer de 1h de duración. Paga la pena acercase pela mañana, xubir a les Brañes, comer un bocadiellu y a la baxada parar a tomar una botellina sidre. Pero nós, ficimoslo too pela mañana porque teníamos muncha gana de conocer La Corte De Somiedu, del que nos falaren maravíes.

El llocal ye amás Hotel Rural, y queda pendiente visita a les habitaciones porque tienen una pinta perguapa poles semeyes de la so web. La parte d'abaxu ye la que tienen pa la receición del hotel y amás la cocina ya'l restaurante. Too decoráu de piedra y madera, antiguu pero con muncho encantu. Un sitiu preciosu.


La recomendación yera pidir el menú. Xintamos 3 persones y pidimos un pocu de tou pa probar delles coses.

De primeros pedimos el Pote de Berces, con una verdura mui tienra, pero pal mi gustu un pelín salau, eso sí, ta más bonu qu'en la mayoría los sitios onde los xintara fora casa.

La Fabada simplemente ye espectacular. De les meyores que comí en tola vida. Maraviosa.

La Fabada ya'l pote vienen con bona ración de compangu, caseru too. Asina que dempués de probar les dos coses cayó'l míticu bocadiellu untáu'n tocín, con morciella ya chorizu. Impresionante.


De segundos pedimos Picadiyu con güevu y pataques, ya nos avisaran que ye too de casa, y nótase nel picadiyu y, sobremanera, nel güevu. Bonísimu too.

Y amás un Filete de Ternera Roxa Asturiana, que se deshaz, ye como mousse. Riquísimu tamién.

De postres, Tarta de Quesu y Casadiella, anque cuesta abondo porque ya tábamos enllenos. Pero a un altor espectacular.

Con Agua, Vinu, Casera y Cafés, pagamos 45€. 



Espectacular comida casera nun sitiu d'ensuañu. Habéis dir.


0 comentarios: