SidraCrucis 2013

Direión: Xixón y Llagares d'alderior con parada na Primer Sidra L'Añu

Contautu: infolasidra@gmail.com

http://www.lasidra.as/

                                                          

Recomendaciones: Sidra

Preciu: 45€

Comentarios: Hai delles esperiencias qu'hai que vivir polo menos una vegada na vida, y ésta ye una delles. Y pamique nun va ser la última vegada qu'averémonos al SidraCrucis. Perguapa esperiencia, mui bien organizao y deprendiendo muncho del mundiu la sidre.

Falar primeru de la Organización de la Revista La Sidra y da-yos la norabona pol so llabor. Nun ye fácil bregar con 2 autobuses y cerca 90 persones; y más sigún los culetes diban entrando nel cuerpu. Quitando 4 fatos que tiramos ... perdón, tiraron pa otru llau al salir d'una sidrería pela tarde y casi pierden l'autobús, foi too perfeutu.

El SidraCrucis faise'l Xueves Santu, de magar les 11 la mañana (aprox) fasta les 23h. 12 hores de llagar en llagar, 12 hores de chigre'n chigre; y entemedies, parada nel Pueblu d'Asturies a xintar una espicha na Primer Sidra L'Añu mientres probamos los más de 50 palos distintos qu'había esti añu (organizao tamién pola Revista La Sidra) pa finar pela nueche nel Llagar Castañón cola segunda Espicha mientres prebamos la so sidra.

Los autobuses salen d'Avilés ya Uviéu y dexénmos en Xixón, onde entama'l recorriu pel Barriu la Sidra de Xixón  (El Saúco, El Llabiegu, Boal de Roncal, Parrilla Antonio I, La Esquina, La Pumarada y Casa César ) pa finar enantes de xintar nel Llagar El Duque onde prebamos la so sidra. Inauguramos La Primer Sidra L'Añu nel Pueblu d'Asturies cola Cofradía del Gochu Astur-Celta y ficimos ehí la Espicha pa Xintar. Garramos l'autobus y tiramos pa El Llavianu, Casa Javi-El Alleranu, Zapico y Llagar el Mancu pa finar con espicha nel Llagar Castañón.

En tolos chigres y cuasi tolos llagares topamos pinchoteu pa que la sidra ameste bien y la xente aguante. Amás, acompangonos tola "procesión" un grupu de baille asturianu con gaita, tambor y panderetes.