Pablo

Señes: Av. Los Cubos, 8 - Llión
Teléfonu: 987 216 562


Calidá: 5/5
Preciu: 60€


Web: http://restaurantepablo.es/
Facebook: https://www.facebook.com/restaurantepablo
Twitter: [@restaupablohttps://twitter.com/restaupablo
Intagram: [@restaurantepablohttps://www.instagram.com/restaurantepablo/


Comentarios: Lleón ye ún de los destinos gastronómicos de moda, l'añu pasáu foi reconocida como la Capital Española Gastronómica 2018 y anguaño sumó con Pablo una nueva estrella Michelín, reconociendo l'altu valor de la so cocina.


Asitiáu n'una cai piatonal, xusto detrás de la Catedral, pasando la muralla, n'ún allugamientu preciosu, consta d'una gran sala con meses espaciaes y amplies cristaleres, anque siempres guardando la intimidá.


Tienen dos menúes degustación, ún de 6 pases a 50€ y otru de 8 a 75€. Dambos pueden maridase. Nós quedamos col de 6 pases, y pidimos una botella de vinu la zona. Fallónos que nos asesoraren un pocu más sobro los vinos d'ellí. Sicasí, a destacar ENFORMA, que na so carta de vinos dispongan de Vinos de Cangas y Sidra de Xelu asturiano. Yá podíamos aprender equí.


Pa beber, quedamos con Carroleon Albarín blancu 2017. Facilón, nun namoró. Albaricoque puru. Tien una crianza en barrica sobro les sos enguedeyes de 5 meses.


Empezamos con Palos y Hojas. Una especie de pan de morciella, qu'asemeya un monte. Bien ricu y orixinal. Cruxente. El sabor a morciella ye nidio.


Mantequilla Casera. Bien rica. A éstes el pan foi de lo meyor de la comida. Espectacular. Pan de Masa Madre y Pan de Granes, de Panaderia Flecha.

Faltóme la semeya d'una Fueya que nos traxeron pa "chupar". Tartar con acidez pa tomar de taragañu, xenxibre, bexamel, sobro fueya de llimón. Bien ricu.


Trucha. Con Pamplina, fueya que sale dempués del destemple. Emulsión d'alga, con güeves de trucha qu'esploten na boca Ricu, anque-y falta sabor. Testures, colores.


Menestra. "Habitas" (cuesta dicilo, eh?) con morteruelo, coneyu y trompeta la muerte. Morteruelo ye esa especie de paté que veis en centru. La faba da toque cruxente, y amás lleva fueyes de menta. Platu de la tierra con distintes testures. Ricu.


Ún de los favoritos de la comida. Merluza. Espectacular. Vien con emulsión de la mesma merluza, alga codium (sabéis que ye l'alga que sabe a percebe), arbeyos. Y la merluza perfecta. Buenísimo.


Vaca Trufa. Entrecular de xata, prácticamente cruda, pero bien fina. Arrallenla con trufa, y tien un golor y un sabor intenso. Otru platu de la tierra, que prestó enforma.


Pasamos a los postres, Naranjo. Sorbete de naranxa amargosa, con agua d'azahar, tocinillo ibéricu y 7 especies chines que-y dan un toque picante. Amiestu de cítricos y picante. Gustó enforma.


Carajillo. Bizcuechu con uves pases, xeláu de café y base d'oruxu caramelizáu. Bien ricu.


Acabamos colos cafés y un Monte de Chocolate. Vien amás con unos macarons de llima.


Pagamos polos dos menús yá'l vinu 126€. Gustónos, bien de preciu, un menú apegáu a la tierra, con sabores terrosos, distintos, ya inclusive, con un toque arriesgáu. Namás por eso, yá paga la pena. Y los clásicos, como la merluza, a un nivel esceipcional. Pa repitir.